【Emily】David Webb回應盧寵茂批彭博 「任何政府內部都可有唔同意見」

【明報專訊】彭博社上周報道，話政府內部對11月前放寬隔離意見分歧；醫務衛生局長盧寵茂喺網誌不點名大罵彭博，並反駁政府內部抗疫路線上無分歧，連《延禧攻略》同影星奇連伊士活都搬出嚟做例子，網誌言論引起迴響。獨立股評人David Webb就喺Twitter話，任何政府內部都可以有唔同意見，及就政策有健康甚至激烈嘅辯論，盧寵茂今次言論顯示港府唔行呢一套，反而走去怪責傳媒。Webb仲喺帖文標註「Groupthink」（團體迷思），唔知係唔係想話政府內部得一種聲音？