女王國葬日 LME開市惹非議

【明報專訊】事頭婆（英女王）嘅國葬將喺下星期一（19號）舉行，英國王室仲將呢日定為英國法定銀行假期。但彭博引述消息人士報道，港交所（0388）旗下LME（倫敦金屬交易所）正糾結葬禮當日要唔要照常開市，事件引發當地券商爭議，部分人感不滿，認為當日開市係唔尊重已逝世嘅英女王，亦有部分人不滿LME喺處理事件手法上欠缺透明度。消息人士話，就算係照常開市，亦只限圈內（The Ring）進行。今次係LME繼3月鎳市停市後，再引起公眾爭議。