【Emily】世界清潔日 歐盟辦事處去海灘執垃圾

【明報專訊】今日係世界清潔日，歐盟駐港澳辦事處同港大太古海洋科學研究所合作，噚日同各歐盟成員國駐港領事代表，帶埋屋企人一齊，去咗出名多垃圾嘅石澳鶴嘴垃圾灣執垃圾，執咗唔少塑膠垃圾，但執番嚟嘅塑膠唔係丟去堆填區，都唔係拎去回收，而係分類後交畀港大研究團體做科學分析，研究塑膠污染嘅情况。一行人之後仲參觀埋研究所，了解塑膠污染對海洋嘅影響等。