重提「Cafe呃錢論」毋懼遭圍插 193稱食客自願被呃

【明報專訊】男團ERROR成員193（郭嘉駿）向來敢言，早前他與友人開設的Cafe被網民批評食物貨不對辦，193反駁Cafe向來都是呃錢，想平可以食兩餸飯，再惹爭議，他懶理批評。近日193現身YouTuber霍哥的網上節目，再回應當時被食客狠批一事。他說：「開幕嗰陣好鬼忙，員工做唔切，有時啲包無切到底，又冇乜汁，就被人投訴，在網上鬧我哋有半個都是齋包。我都廢事回應那些人，來得Cafe係咁呃錢㗎啦，你情我願。」