【Emily】「回歸BB」電競踩車賀國慶

【明報專訊】九龍城民政事務處同九龍城青年協進會搞咗個「回歸BB電競馬拉松迎國慶」嘅見證儀式，搵咗70個1997年出世嘅香港「回歸BB」同廣州嘅後生仔，一齊玩虛擬單車接力馬拉松。虛擬馬拉松喺廣州同香港同步進行，會「途經」大灣區嘅地標，等參加者認識大灣區嘅特色，並享受呢種踩虛擬單車嘅體驗。市民可透過直播見證兩地參加者喺廣州塔一齊踩到終點，得到可持續發展目標（SDG）嘅世界紀錄。