【Emily】續服務南區街坊 民主黨搞日本泰國團

【明報專訊】隨住鄰近地區陸續「開關」，包括港人「家鄉」日本同泰國已先後取消入境檢疫限制，唔少港人都心思思去旅行放鬆吓，就算機票價格被搶高，唔少人都照買，準備「起飛」。民主黨主席羅健熙同黨友陳欣兒雖然唔再係南區區議員，但服務地區嘅工作無停到，繼續搞地區旅行團，近期仲搞埋泰國同日本嘅旅行團。陳欣兒話知道日本開放返自由行，街坊可能都想去，加上日圓又平，所以即刻搞番個團。