【Emily】葉太成功爭取清理垃圾

【明報專訊】新民黨主席葉劉淑儀日前到新入伙嘅屯門和田邨同菁田邨視察，點名要求「鼠王興」、副政務司長卓永興改善區內嘅衛生同鼠患問題。葉太噚日收到副環境及生態局長黃淑嫻畀佢嘅照片同資料，話已經清理和田邨迴旋處旁嘅大型垃圾堆。葉太喺fb稱讚黃淑嫻同有關部門反應迅速，做到「急市民所急」。佢又認為，當局應加強向居民宣傳將大型垃圾棄置喺適當嘅地方。另外，佢又話房署應該了解單位原有設備係咪唔切合居民嘅需要，令佢哋要自行裝修。