【Emily】陳浩濂同金融科技周嘉賓包廂睇七欖

【明報專訊】香港金融科技周（FinTech Week）噚日係最後一日，適逢一連三日嘅香港國際七人欖球賽開鑼，政府喺大球場設包廂，邀請來港參加金融科技周嘅海外嘉賓睇波，包括英國、意大利、日本等，一齊喺比較輕鬆嘅環境聚會。財經事務及庫務局副局長陳浩濂噚日都去咗包廂一齊睇波，兼同球員打氣。政府早前容許入場觀眾飲食，好多觀眾都一面飲啤酒、一面睇波開party，但副局長同一班嘉賓就好守規矩，影相時都戴咗口罩。