【Emily】澳球迷曠工遭炒魷要幫手？ 領事咁回應

【明報專訊】澳洲隊前日擊敗斐濟隊奪得香港國際七人欖球賽冠軍，居港澳洲人當然興奮，事緣今次係澳洲自1988年後再次贏出香港七欖。不過狂歡過後噚日禮拜一要返工，應該都幾攰。有網民講笑話，要澳洲駐港總領事華怡德（Elizabeth Ward）出面幫手，話如果有球迷因慶祝太攰返唔到工，叫僱主唔好炒咗佢哋。華怡德就幽默咁喺Twitter留言話，如果任何人喺澳洲隊贏波後被老細炒魷魚，可以要求加入領事館求職服務嘅電郵名單。