【Emily】白內障術後 曾俊華跳入動畫教護眼

【明報專訊】前財政司長曾俊華原來幾個月前做過白內障手術，佢話呢件事令佢深深體會到健康視力嘅重要。佢指喺新冠疫情期間小朋友冇得返學，日日困喺屋企對住個電腦上網課，又少咗戶外活動機會，眼晴好容易有近視。曾俊華話同Bowtie/EVIGarten製作咗一齣護眼動畫《護眼小勇士》，講述小朋友小寶因為近視，誤將辣椒醬當成茄汁，於是走去眼科中心搵視光師「鬍鬚叔叔」驗眼，希望藉動畫令小朋友注意眼部健康同定期檢查眼睛。