【Emily】新加坡部長遊石板街打卡

【明報專訊】訪港出席亞洲文化合作論壇嘅新加坡文化、社區及青年部長唐振輝（Edwin Tong）呢幾日去過幾個政府部門拜訪，噚日返國之前，仲趁機去中環石板街兜一圈。睇Edwin上載IG嘅相，佢一身輕便外套同牛仔褲，似乎唔係好怕近日嘅寒流。Edwin係新加坡法律部第二部長，日前亦見過律政正副司長林定國同張國鈞，Edwin話新加坡同香港可能係好多方面嘅友好競爭者，包括法律及「爭議解決」，但仍然可以合作，互相得益。