港聞 【Emily】葉劉視察窩田村長命斜 聞工程費估算嚇親 發佈於 2 年 前 2023 年 1 月 5 日 By 明報 【明報專訊】新民黨主席葉劉淑儀前日又去離島落區,今次去到大嶼山梅窩窩田村,話今次係應村長鄧家洪邀請,去視察銀礦洞旁「長命斜」,話呢度多年來都無辦法解決居民要行大斜路返屋企嘅問題。村民同葉太講,村落人口大約數十,但常住人數其實甚少。可持續大嶼辦事處嘅工程師都有陪葉太考察,但就話長命斜陡峭兼斜度頗高,亦涉及數段私家路,假如政府要喺度做工程,可能牽涉收地,加上工程費用,隨時高達1億至2億元。葉太聽到呢個數都感吃驚,明白要做工程殊不容易。 相關文章: Up Next 涉轉發羊村繪本下載網址 青年被捕 配字「Catch me if you can」 連登留言被指煽動 不要錯過 陳日君獲准離港弔唁前教宗 暫改保釋條件律政司不反對 4日後返港須交回護照 繼續閱讀 贊助商 猜你喜歡