沙特阿美覓上市地 陳啟宗曾牽紅線

【明報專訊】行政長官李家超即將出訪中東與當地政商界會面。作為香港明天更好基金執行委員會主席嘅陳啟宗，噚日喺業績發布會上提到，諗起早年佢介紹沙特阿美嘅總裁畀港交所（0388）前行政總裁李小加認識，後來李小加曾親赴游說沙特阿美嚟香港上市，不過最終未能成事。作為紅娘嘅陳啟宗話，佢知道原因，但唔方便透露喎。不過佢賣關子，講到阿美可能第二上市嘅話，佢就唔敢講話無機會。