【Emily】宣講二十大拍片評選 政商踴躍 科創高層等著唐裝朗讀「領會報告精神」

【明報專訊】香港早前宣傳中共二十大活動暫告一段落，Emily留意到，再有多名建制同商界中人用之前宣傳二十大精神嘅影片，參加一個「香港青年宣講黨的二十大精神視頻評選活動」投票活動，畀人評選邊個宣傳得好同有效。Emily睇過入圍影片，唔少年輕政商界同建制中人等都有出現，睇番影片嘅開場，大部分參加投票活動嘅人都係中聯辦舉行嘅「香港青年宣講骨幹培訓班」嘅參加者。