【Emily】少年陳國基 曾寫結他譜報攤寄賣搵銀

【明報專訊】政務司長陳國基工作背景無財金經驗，原來佢都有搵錢頭腦。陳國基喺彩虹邨長大，年輕時鍾意拎住結他唱歌夾band，佢話有日諗到，不如將流行曲寫成結他譜印製成書，睇吓有無人買。佢哋首先找公司印刷，每本歌書成本9毫，定價4元出售，而報攤批發商又無小覷佢哋幾個中三、四嘅細路，願意代為寄賣、七三分帳。佢話後來有人教佢哋喺書上賣廣告增加收入，咁樣就做咗兩三年，直至有同學赴外國升學。佢話當年歌譜喺書報攤好好賣，佢同3名同學每人分帳幾千蚊，以當時生活水平嚟講收入相當可觀。