【Emily】23講者全男班 科技研討會話有邀女性

【明報專訊】繼早前旅發局「你好，香港」（Hello Hong Kong）啟動禮出現全男嘉賓陣容後，Emily留意到，港大先進生物醫學儀器中心同科學園禮拜二合辦嘅研討會上，至少23個講者「清一色」係男性，包括創新科技及工業局長孫東、創新科技界議員邱達根、科學園行政總裁黃克強、中大醫學院教授盧煜明，同埋兩個哈佛學者。

先進生物醫學儀器中心回覆Emily查詢時話，中心都曾經邀請女性科學家出席，但最後應邀出席嘅都係男士，而討論環節都有兩個女士擔任主持。中心又話，今次研討會探討如何加快生物醫療科技發明轉化，未來香港同區內將有更多協作交流活動，中心強調領域內有唔少傑出嘅女性科學家，「她們的參與，必不可少」。

相關字詞﹕全男班 科學園 先進生物醫學儀器中心