【Emily】藝術館「游•遊」展覽 維港地標「坐得到」

【明報專訊】香港藝術館又有新展覽可以睇，今次有「迷你維港」畀大家「打卡」。最新展覽「游•遊」有兩組大型戶外裝置作品，其中本地藝術家兼建築師蔡偉權嘅6組藝術裝置作品《人遊於港》糅合本地建築特色，以維港兩岸地標建築嘅外形及外牆設計為靈感，將香港文化中心、香港會議展覽中心同國際金融中心等縮小成「坐得到」嘅香港地標。

另一組作品《路過蜻蜓》由陳惠立創造，佢係一位一向以游泳池為創作核心嘅藝術家，《路過蜻蜓》就營造出一個奇幻玩味嘅公共游泳池場景，遊人可親身踏進其中。

相關字詞﹕香港藝術館