【Emily】獲迪士尼表揚 匯演總監：子女驕傲成動力

【明報專訊】迪士尼舊年中推出名為「迪士尼星夢光影之旅」嘅夜間城堡匯演，適逢今日係三八國際婦女節，樂園表揚作為製作總監嘅虞楟（Fiona）用咗5年時間領導團隊籌劃呢個匯演。喺迪士尼工作超過17年嘅Fiona認為，表演大受歡迎係因為內容連繫人生唔同階段，作為媽媽嘅佢感受特別深，舉例第一章「誕生之時」，就好似睇住自己仔女出生成長咁。Fiona會帶兩個仔女到樂園欣賞佢有份製作嘅表演，小朋友對媽媽嘅工作感到驕傲，呢樣亦成為Fiona嘅工作動力。