【Emily】「勞聯」霓虹招牌等待再次「亮燈」

【明報專訊】復活節假期，勞聯立法會選委界別議員林振昇「兼職」做清潔工人，落手落腳「省招牌」。林振昇話，勞聯喺深水埗福耀大廈外牆曾經懸掛紅色霓虹燈「勞聯」招牌，但佢同Emily講，早兩三年前收過屋宇署通知，建議清拆，而咁啱大廈又要做外牆維修，所以老招牌都要拆掉，招牌就一直放喺勞聯會址雜物房。

林振昇話趁假期洗刷一下招牌，體現吓工會勞動精神。佢介紹呢塊招牌，話「勞聯」二字出自香港街頭書法家李漢手筆，當時未有LED，所以請霓虹燈老師傅做咗呢個霓虹招牌。近年唔少老店舊招牌收到清拆令後被拆下，本港街頭夜景好似少咗一份味道，林振昇就話，現時只好保存住招牌，等他日復修後，期望再次有「亮燈」機會。

相關字詞﹕霓虹招牌 勞聯 林振昇