【Emily】陳校長招5000義工 父親節前夕賣旗

【明報專訊】「陳校長免費補習天地」（補天）正招募5000個義工，喺6月17日（星期六）父親節前夕一齊幫手賣旗，籌得嘅善款會用作基層學生免費學習支援計劃，歡迎有心人報名，團體、學校、企業亦可組隊參加，完成活動後會有感謝狀。

旗紙附語句感謝親恩

補天創辦人陳葒話都市人好忙，往往忽略咗同家人相處，亦未有適時向家人表達愛意同謝意，而今次賣旗活動嘅主題係「父母恩重如山，兒女情深似海」，加上喺父親節前夕舉行，有多重意義。佢話旗紙上附有向雙親表達心意嘅語句，例如「嗲哋，多謝您！」、「感謝您的照顧」、「我會好好報答您的」、「辛苦您了」等，體現「傳達親情愛意，化為善心慈行」嘅精神。圖案由本地著名插畫品牌Chocolate Rain設計。

補天職員同Emily講，暫有400個義工報咗名，目標係籌得至少100萬元善款，預計惠及2000個學生。

相關字詞﹕賣旗 陳葒