冰協料下周交報告　領隊關婉儀冀大眾勿鬧港協　日後為保無錯不惜「唔食唔瞓」 (11:13)

冰球港隊二月在波斯尼亞作賽後，發生主辦方賽後播國歌出錯事件，港協暨奧委會啟動暫停冰協會員資格的相關程序，冰協須於一個月內提交一份書面解釋。香港冰協領隊關婉儀今日（14日）說，預計下周可以提交報告，將詳細解釋事發過程。她又說，希望積極地面對事件，亦希望大家不要只責罵港協，「有好多嘢要溝通，佢都要聽我哋屬會（講）出到去發生咩事、有咩困難。」

關婉儀今早於商台節目《在晴朗的一天出發》中說，事發後男子組再勝出要播放國歌時，都感到很大心理壓力，但之後U18及女子組賽事後情况有改善，「因為我做多咗好多、好多、好多、好多嘢」。她總結經驗認為，港隊除要跟隨港協暨奧委會的相關指引外，出發往海外賽事前，應要先向主辦方發電郵，提醒切勿自行在互聯網下載國歌，因網上搜尋結果或會出錯；她亦只在USB存放一首純音樂版本的國歌，希望不會令負責播歌程序的工作人員混淆，形容日後「唔肯定都要肯定，依家唔可以講搵佢（工作人員）唔到，因為上次開會我都同咗港協有關人士講，我唔食唔瞓都要企喺度等佢哋，呢個係做領隊嘅責任」。