【Emily】「為各地帶來勇氣」 鄒幸彤獲光州人權獎

【明報專訊】韓國人權組織「光州5．18紀念基金會」噚日公布，已解散嘅前支聯會副主席、還押緊嘅鄒幸彤（圖）獲頒「2023年光州人權獎」，評審委員會形容鄒幸彤係「為紀念1989年天安門廣場大屠殺的遇難者舉行燭光守夜活動，繼續為香港民主而鬥爭的人權律師」，又話佢為世界各地渴望民主社會嘅人權活動家同公民帶來勇氣同希望。

鄒幸彤身負多案，包括同前支聯會主席李卓人、前副主席何俊仁被控煽動他人顛覆國家政權罪，正係候審。支聯會涉嫌拒絕應警方國安處要求交出資料一案入面，鄒幸彤、前常委鄧岳君同徐漢光被判國安法實施細則嘅「沒有遵從通知規定提供資料」罪成，各判入獄4.5個月，獲准保釋等上訴；鄒幸彤因為唔肯接受限制言論自由嘅保釋條件同埋支聯會案，仍然還押緊。