【Emily】吸內地港生 公務員局增設上海考場

【明報專訊】近年本港公務員離職人數增加，有立法會議員提倡應重點招聘內地大學畢業嘅香港學生，填補公務員空缺。公務員事務局噚日書面回覆話，除咗現時喺北京舉行招聘公務員考試外，計劃2023/24年度喺上海加設考場，預計今年第三季落實安排。局方就解釋話，因為?家愈嚟愈多港人喺內地升學或居住，而部分城市同香港或北京嘅距離較遠，為咗方便佢哋參加招聘考試，所以將設有上海考場，未來亦會因應預計嘅考生數目、場地、人手安排同後勤支援等因素，考慮調整香港以外考場嘅地點同數目。

局方話，過往3年有逾200名持有內地大學學士畢業證明嘅公務員職位申請人，要做學歷評核，又話政府各部門近月有加強喺內地向學生推廣宣傳同招聘工作，仲舉例話警務處舊年同今年分別喺廣東、福建、北京同武漢有招募活動，話會積極吸納唔同背景嘅人士加入政府。