【Emily】民主思路學苑復辦北京交流團

【明報專訊】本港同內地全面通關一段時間，民主思路噚日話，下周二至周六（16至20日）會復辦「香港政治及行政學苑」嘅北京交流團，加強第五屆學員同中央政府、學術與智庫團體交流，畀學員深入了解內地政治局勢同社會事務。​​民主思路召集人兼學苑榮譽贊助人湯家驊相信，透過今次交流團，學員可以加深了解本港同內地學術、政治政策同法制等方面嘅最新發展，促進兩地合作交流。

學苑係由民主思路成立，同香港大學專業進修學院合辦「資深行政人員文憑（政治領袖）課程」，旨在喺本港培訓同發掘年輕政治人才，畀學生有機會跟唔同政治光譜嘅政治領袖交流及學習。學苑話今年有近40個學生，平均年齡30幾歲，職業涵蓋企業管理層、律師同會計師等多個範疇；每年都會帶學生到內地交流，因2019年反修例風波及新冠疫情而停辦逾3年。