【明報專訊】下個月係「六四事件」34周年，噚日母親節，「天安門母親運動」喺社交媒體出帖，話30多年來，天安門母親嘅勇氣與大愛，「值得世人尊敬」，「而她們的孩子為民主自由而犧牲，教人佩服」。帖文話祝福佢哋早日尋找到真相，「為孩子討回公道」，帖文又指唔少香港媽媽亦與子女分離，但願有一天大家可以重聚。
浸會大學政治及國際關係學系副教授陳家洛，喺facebook上載印有「支持『天安門母親』」物品嘅圖片。劇作家莊梅岩收到禮物，喺社交媒體留言，話母親節令佢想起天安門母親、為在囚兒女奔波勞碌嘅母親、移民潮下跟子女天各一方嘅母親等，祝大家平安健康。
