【Emily】遊協90周年會慶 李家超讚培育青少年貢獻

【明報專訊】香港遊樂場協會噚日舉行90周年會慶匯演，請咗特首李家超（中排左三）等官員出席。李家超致辭時話，遊協為本港青少年提供唔同類型服務，培育青少年喺德、智、體、群、美全面而均衡嘅身心發展，充分肯定遊協多年來對社會嘅貢獻。

李家超話，政府重視青年工作，期望透過舊年公布嘅《青年發展藍圖》，令青年工作更有系統，同時凝聚社會各界力量，讓青年展現潛能，發揮所長，貢獻社會。佢又期望遊協繼續同政府合力促進青少年身心均衡發展，為社會推動多元化服務，弘揚以愛國愛港為核心、同「一國兩制」方針相適應嘅主流價值觀，孕育具備國家觀念同國際視野嘅新一代。

慶祝活動喺旺角麥花臣場館舉行，現場有花式跳繩、藝人獻唱等表演環節。