【Emily】前議助祁志鴻獲委醫衛局政助

【明報專訊】政府噚日公布，特首李家超委任立法會前議員助理祁志鴻（Keith，圖）做醫務衛生局長政治助理，佢噚日履新。?家35歲嘅Keith喺政助中年紀算輕，但佢早喺2010年起就喺立法會議員辦事處任職，喺立法會議助中算係資深。Keith曾經先後幫過3個議員，包括之前嘅議員梁劉柔芬，其後喺經民聯林健鋒議辦做咗幾年，去年就過檔選委界簡慧敏議員做辦事處主任。Keith轉跑道加入政府，佢話前後3個議員對佢成長好有幫助，畀咗佢好多學習機會。

據政府新聞稿介紹，Keith持有中文大學社會科學學士學位，主修社會學。

現時政治助理按履歷等，人工分唔同等級，月薪由72,500至126,900萬元，而Keith嘅月酬就有72,500元。?家醫衛局長盧寵茂都搵到政助，問責班子剩番政制及內地事務局長政治助理一職懸空。