【Emily】公務員試在即 EO拍片教路

【明報專訊】?家係畢業生搵工見工季節，而投考公務員要過多關，包括應考綜合招聘考試（CRE）同《基本法及香港國安法》測試（BLNST）。新一期考試會喺6月3日舉行，公務員事務局就話幫大家備試，喺社交媒體推出4集考試全攻略短片，搵咗兩個年輕行政主任（EO）Mandy同Francis，提供「快問快答」（其實自問自答）貼士。

佢哋自問「考CRE有無得操past paper」，而答案係無嘅，因為試卷唔公開，亦無特定考試範圍，試題會考一般中英文語文能力，同埋推理能力。至於點備戰，佢哋就話無得臨急抱佛腳，要靠平時多留意時事、睇中英文新聞。至於點考得好BLNST，答案就簡單，主持人畀基本法及國安法網站，叫大家自己溫書喇。