【Emily】林健鋒一日內 去澳門佛山再返港

【明報專訊】佛誕假期大家可能會出埠行吓，而經民聯議員林健鋒（Jeffrey）就示範咗大灣區 「體驗一小時生活圈」，喺前日立法會完會後出發去澳門，佢話唔使75分鐘就去到，之後再由澳門返佛山睇吓自己間玩具廠（圖），仲話沿途路路暢通，大約90分鐘就到目的地。佢話之後仲約咗佛山市長白濤見面，就香港同佛山合作交流，仲有時間食埋晚飯，趕到高鐵即晚返港。

Jeffrey本身係玩具廠商，佢話之前因為疫情，已經3年幾無返去佛山嘅廠房，所以返到去見到同事，大家都好開心，形容大家滔滔不絕傾唔停。