【Emily】港擬准轉運電子煙 陳肇始：唔理想

【明報專訊】規管電子煙等另類吸煙產品嘅法例舊年4月生效，時任食物及衛生局長陳肇始曾經力爭全禁轉運，但現屆政府運輸及物流局就提出，喺防止另類吸煙產品流入本地市場前提下，修例將以海空和陸空方式經香港聯運轉運嘅另類吸煙產品納入豁免範圍，即放寬轉運煙類產品安排。已離開官場嘅陳肇始噚日就話覺得有關情况唔理想，雖然明白新冠疫後復常有經濟推動需要，但認為對控煙工作帶來風險。

現為港大基層醫療健康教研中心總監嘅陳肇始，噚日喺商台《政好星期天》形容，香港全面禁止電子煙同加熱煙過程崎嶇，現時香港吸煙率9.5%，政府目標於2025年將吸煙率降至7.8%。佢話要降低吸煙率其中一個方向係防止青少年吸煙，減少現有煙民數量，建議增加煙稅和擴大非吸煙區範圍，減低吸煙意欲。

另外，為響應5月31日「世界無煙日」，香港吸煙與健康委員會呼籲市民該日（周三）響應「無煙跑服日」活動，穿著跑服或運動服，以鼓勵吸煙者以做運動戒煙。噚日嘅活動啟動禮，出席嘉賓包括醫務衛生局長盧寵茂、衛生署長林文健、醫管局主席范鴻齡、香港吸煙與健康委員會主席湯修齊等。