【明報專訊】最近社會掀起有關器官捐贈嘅爭議，立法會率先帶頭下周三（7日）由衛生署喺大樓擺攤位，議員同職員可以即場登記做器官捐贈者，醫衛局長盧寵茂都會出席合照同簡介環節。立法會秘書處提醒，器官捐贈無絕對年齡限制，一般由初生至75歲普遍都適合捐贈器官。Emily睇番立法會議員嘅資料，一班議員都未夠75歲，理論上都符合資格嘅。
另外，《2023年區議會（修訂）條例草案》啱啱喺立法會完成首讀，政府希望暑假前通過修例，有關嘅法案委員會都配合「趕工」，本月5日至9日（周一至周三）同13、14日（周二、周三）都加開會議，其中下周一有3節會議。
