【Emily】首個太陽能停車場上蓋 迪士尼動工

【明報專訊】迪士尼樂園噚日為園區內嘅本港首個太陽能停車場上蓋項目舉行動工禮，將會喺行政大樓戶外員工停車場加建200千瓦嘅太陽能上蓋，搭建逾400塊太陽能板，料年尾完工後每年可產生逾20萬度電，並為80個泊車位遮蔭。

主禮嘉賓環境及生態局長謝展寰話政府推出便利措施，協助私營界別喺室外停車場安裝太陽能發電系統，希望工商界同市民加入環保減碳行列，共同打造香港成為更環保同可持續嘅城市。

迪士尼樂園話今次只係眾多太陽能發電項目之一，而目前本港最大嘅太陽能發電系統正係位於度假區內，發電容量3050千瓦，由超過7500塊單晶硅太陽能板構成，主要裝喺度假區內47個地方，每年生產逾330萬度電，夠逾千個三人家庭用一年。