港聞
【Emily】公醫協會改選 新會長龍振邦
![](https://news.mainpao.com/wp-content/uploads/2023/04/1to1.png)
【明報專訊】香港公共醫療醫生協會(HKPDA)上個禮拜舉行換屆選舉,其中上屆副會長、公立醫院醫生龍振邦將會接任會長一職,新一屆副會長就由呼吸系統科專科醫生郭宏駿出任。
剛退任會長嘅屯門醫院婦產科醫生凌霄志同Emily講,自己仲會繼續留喺委員會,亦感激協會會員過去兩年咁信任佢、畀機會佢擔任會長一職。佢話,香港公共醫療醫生協會作為工會一定會繼續協助會員,希望業界未來保持團結一致,以專業精神服務市民。龍振邦就話自己無乜特別感受,只希望專心為同事做事、解決問題。
副會長郭宏駿:搵人未見大問題
郭宏駿就同Emily講,自己加入協會約5年,感激可於新崗位為大家繼續服務。PDA往年改選講過搵新人加入有啲難度,郭認為公院醫生工作辛苦,相信同事因為咁難以抽身擔任委員,佢補充最近都有新人加入協會,搵人未見好大問題,形容每個組織嘅正常發展都會「不斷有人離開、不斷有人加入」。
繼續閱讀
![](https://news.mainpao.com/wp-content/uploads/2024/05/bet365.ooo_.png)