經濟
一田CEO月底離職 黃思麗：專心「放假」
【明報專訊】一田行政總裁黃思麗（Susanna）昨日宣布將於本月31日正式卸任，之後會先抖抖，暫別職場一段時間。由2016年至今，佢喺一田百貨擔任CEO已經有7年，期內一共經歷咗3年疫情。佢形容初上任時嘅情景依然歷歷在目，最緊張VIP DAY生意，見記者時又好緊張。佢又話，咁多年嚟轉工未試過中間放假，今次離開一田將會好好「放假」，會送個女返英國讀書，亦有打算旅行，可能係去非洲，但未有固定行程，相信職場下一站都需要大家支持，不過暫時未有去向。
對零售及快速消費仍有興趣
Susanna又話，任期內都有想做但做唔到嘅事，譬如一田科技管理系統已經做到「由無變有」，但仲未做到「從有到好」；亦都遺憾一田門店數量未達到20間。講到未來工作目標，佢強調今次只係「暫離」工作，未來依然對零售業及快速消費業有興趣，覺得自己會做返本行。
email: [email protected]
