湯文亮：業主反價是「警號」

【明報專訊】昨日早上在公司開例會，有同事話早兩個星期打算以4500萬元買入的物業，最後業主反價，並且以5400萬元賣了，問我要唔要鬧那名物業代理一餐，我話當然唔使，如果賣貴一百幾十萬，我一定會嘈那名物業代理，但賣貴兩成、900萬元，即是跑馬輸五個馬位，輸咗都唔好上訴。老實說，這個成交也是一個「警號」，打算買樓的人小心業主反價，大家千祈唔好以為我亂作，那名替我出價的物業代理知道真有其事。