Emily Online｜羅淑佩透露係「Hellosss」　鍾意Ian唔揸快車「好乖守規矩」 (12:49)

運輸署長羅淑佩今日接受商台節目訪問，討論有關的士服務的議題時，就透露原來佢係男團Mirror成員陳卓賢（Ian）的支持者，亦即係「Hellosss」。她大讚Ian重視交通安全，又乖又守規矩。他引述Ian曾經受訪時提到，會聽媽咪勸告唔會揸快車，即使工作時都要守規矩，最多預多啲時間。羅淑佩形容Ian「呢個小朋友實在太好」，而且仲識作曲，又代表過排球港隊，覺得應該支持。

認同Edan分享搭的士不快經歷

另一Mirror成員成員呂爵安（Edan）日前就發文分享Call的士嘅不快經歷，指本身司機話8分鐘到，結果等咗20分鐘先上到車，上車後司機仲呻話塞車嘥時間。羅淑佩在商台節目《在晴朗的一天出發時》亦被主持人問及事件，佢話非常多謝Edan分享事件，認為的士司機應該要對邊一時段、邊條路塞車「心中有數」，如果遇到突發情况，要提前打電話畀客人，而且態度要禮貌，唔可以將怨氣發喺個客身上。

至於有人批評Edan不應該喺網上公開呢件事，羅淑佩就認為，如果Edan未有公開個的士車牌，就支持佢講出嚟，又話如果係遊客經歷咁樣嘅情况，更會對香港形象都有不良影響。