經濟
KeeTa將攻東九 辦送遞員簡介會
【明報專訊】美團（3690）旗下外賣平台KeeTa最近密密出招，除咗提供優惠之外，業務範圍都係重要一環。最新KeeTa就透過通訊軟件頻道表示，即將擴展服務範圍至東九龍區，包括觀塘、九龍灣、九龍城及土瓜灣等等，但未有提及時間表。
惟未提及時間表
KeeTa就話，為咗改善送遞員首次外送體驗，將會舉行3場送遞員簡介會，發布同介紹最新版本嘅送遞員App、介紹送遞員服務費及獎勵計劃等等。
其實KeeTa「攻港」已經差唔多兩個月，平台當時都有訂立目標，要喺今年底覆蓋全香港，現時服務範圍就包括油麻地、尖沙嘴、旺角、大角嘴和深水埗。小琴相信，以KeeTa現時嘅速度，好快可以覆蓋全香港，再加埋平台銀彈攻勢吸客，好似小琴咁喺柴灣呢啲「美食沙漠」返工嘅人士都可以有更加多選擇，希望食外賣嘅時候都可以平啲。
