經濟
KeeTa下月登陸東九 美團攻港鬥心強
【明報專訊】小琴收到風，美團（3690）旗下外賣平台KeeTa會喺8月1號正式登陸東九區，喺觀塘、九龍灣、九龍城同埋土瓜灣正式投入服務。
KeeTa其實近排搞優惠都好密，成個7月逢星期一至三就出優惠券畀人去搶，逢星期四至六就搞免運費不停吸客，仲搞埋迎新獎賞同埋其他獎勵吸引車手去做添，睇嚟美團想盡快喺香港外賣市場佔一席位的鬥心甚強。
KeeTa之前講到，目標要喺今年年底覆蓋全香港，但而家服務範圍就包括油麻地、旺角、大角嘴、尖沙嘴、紅磡同深水埗，如果計埋觀塘、九龍灣、九龍城同埋土瓜灣嘅話，暫時都係集中喺九龍區。小琴都好心急希望KeeTa快啲登陸港島區，想喺啲優惠未完之前，喺柴灣用到佢哋嘅優惠嗌外賣。
email: [email protected]
