【Emily】港航9800張免費機票 今10點起開搶

【明報專訊】機管局為響應政府推出嘅「你好，香港！」，透過本地航空公司向市民派發8萬張香港出發免費機票，香港航空今日（周一）起送出其中9800張機票，目的地包括曼谷、三亞、北京大興、杭州、名古屋、南京及首爾，先到先得。

香港航空繼上月24號送出首輪6800張來回機票，第二輪送機票活動今朝10點開始，9800張免費來回機票旅遊期限為9月1號至明年3月24號，當中有部分日子並無機票提供，而逗留期限須介乎2至7日。來回機票已包咗20公斤寄艙行李，但唔包括相關稅項、附加費同其他收費，參加者須自行承擔一切相關費用。

Emily提提準備搶飛嘅你，可能要有心理準備等好耐，事關另一間航空公司香港快運喺上月11號朝早10點半起派發逾2.1萬張機票，快運網站一開始就「塞車」，唔少人等咗幾個鐘都無進展。Emily祝你「搶飛旅途愉快」！