【Emily】樂樂18歲 蛋糕整跌咗

【明報專訊】噚日係大熊貓樂樂（圖）18歲生日，盈盈就下星期三踏入18歲。海洋公園嘅護理員之前為兩個「8月之星」舉辦一場生日派對，送咗個用水果整嘅冰蛋糕畀兩位壽星。點知樂樂太興奮整跌咗個蛋糕，好彩佢都搵到最鍾意食嘅窩窩頭，仲食到停唔到口！

盈盈同樂樂嘅生日蛋糕粉橙色，配上森林綠色嘅生日歲數冰棒，再用埋佢哋鍾意食嘅竹、紫薯、紅蘿蔔同梨汁做材料，相信兩位壽星都好滿意個蛋糕。