經濟
海底撈響應「地攤經濟」 進駐青島夜市
【明報專訊】內地「地攤經濟」似乎又再翻生。據內媒報道，海底撈（6862）近日喺山東青島李村樂客城夜市擺攤賣火鍋，距離樂客城海底撈門店只係209米，步程3分鐘。
距離最近門店209米 步程3分鐘
報道就話，海底撈喺內地夜市嘅攤檔並唔止一間，河北都有啲門店近日開始嘗試發展夜市業務。攤位由海底撈門店自營，現時仲未開放加盟，出售菜式價格同門店一樣。
海底撈回覆內媒查詢就話，近期出現擺攤形式，係門店結合當地顧客消費喜好進行嘅個性化創新試點。
其實早於2020年6月，中國時任總理李克強就讚過「地攤經濟」係中國生機，希望可以緩解因為疫情而帶來嘅失業潮。疫情過去之後海底撈進駐夜市，內媒分析就話可能因為內地疫後復蘇不似預期有關。雖然夜市打邊爐應該幾得意，不過夏天咁熱，小琴就建議要注意食物安全喇。
email: [email protected]
