一向出名慳電嘅天文台前台長林超英今日（12日）喺Facebook發帖，並上載了一張電費單，顯示今期電費係負7元，「比零還低」，佢話有待研究吓呢個數字，又話電費單顯示過去兩年，佢同林太兩個人維持每日4度左右嘅用電量，即係每人每日約2度電，叫大家參照呢個數，睇吓自己屋企用電高出幾多。
林超英又話，對比番兩年前同期電費單，發現每度電費實際收費由原本嘅1元升到1.2元，即係兩成，話現今世界愈趨動蕩，未來電費恐怕會再升，呼籲大家嗱嗱聲開始慳電，「不講救地球，也要講救荷包」。
Emily睇番林超英嘅電費單，係扣除補貼後，電費先係負數，例如政府發放嘅回扣就有超過300元，仲有慳電特殊能源補貼添！
