【Emily】消防理大合辦通識課 教救人自救

【明報專訊】消防處近年喺各大專院校推廣應急準備教育，其中同理大喺6月簽署合作備忘錄，合辦通識課程，畀40幾名學生喺消防及救護學院，向具實戰經驗嘅消防處人員學習各種救人自救技巧，包括心肺復蘇法、使用自動心臟除顫器等急救訓練。消防處話會繼續積極探討同其他院校合作，希望將部門嘅應急準備課程恒常化或列為選修科目，進一步加強大專生嘅應急準備能力。

消防人員親授 理論實踐並重

消防處救護主任（社區訓練）袁嘉豪話，課程理論與實踐並重，透過大量生活化例子，加深學生嘅理解同運用救人技巧嘅能力，等學生可於有需要時主動支援救援人員。

理大護理學院實務副教授黎錦雄話，相信課程可加強學生面對緊急情况嘅能力，救人自救。課程新學年會繼續開辦，所有本科生都可選修。