【Emily】一帶一路新專員料港意增合作

【明報專訊】本地建築師樓「hpa何設計」主席何力治月初接任一帶一路專員，佢噚日首次見記者，即刻被追問意大利有意退出一帶一路嘅問題，何力治話，相信香港同意大利會繼續加強合作，又強調本港貿易唔會單靠個別國家，將積極與一帶一路各沿線國家積極合作。

稱港要成匯聚各服務推帶路發展平台

何力治9月1日履新，原定上周五見記者簡介工作，但因為暴雨襲港而取消。佢噚日出席「一帶一路高峰論壇」後見記者，表示香港專業服務獲國際肯定，綠色金融、資金市場嘅運作亦相當成熟，認為香港要成為匯聚各個範疇服務、推動一帶一路發展嘅平台。對於意大利有意退出一帶一路會唔會影響香港與當地嘅經貿合作，佢強調一帶一路倡議係包容同互利共贏，相信香港同意大利未來會繼續加強合作。