【Emily】風車小屋隧道 3公園有靚綵燈

【明報專訊】中秋前夕多區都有綵燈活動，將軍澳海濱公園、寶康公園同西貢海濱公園有「西貢區慶祝國慶及中秋節日綵燈2023」舉辦，即日起至下月15號，每晚6點至11點都會有燈飾裝置。3個地點各有主題，其中將軍澳海濱公園遍佈幻彩紙鶴同風車（圖），噚日Emily去海濱，見到小朋友都睇到入神。寶康公園就以童話故事為主題，有袖珍小屋、發光小白兔同蘑菇燈；西貢海濱公園則有大型花燈隧道。