【Emily】赴浸大政府工招聘展 楊何蓓茵出力「搶才」

【明報專訊】政府6月宣布降低招聘門檻，接受大學三年級或將升讀三年級嘅學生投考公務員，公務員事務局長楊何蓓茵噚日喺浸大政府職位招聘展覽助力「搶人才」。佢提到，10月舉行嘅綜合招聘考試同《基本法及香港國安法》測試一共有5300名大學生申請，人數比6月增加1倍，當中近三成係大學三年級學生，佢話政府工對大學生相當吸引，鼓勵浸大學生加入政府。

楊何蓓茵話，政府係全香港最大嘅僱主，工作涵蓋不同領域同專業，建議同學多了解不同職系提供畀青年嘅就業機會，利用展覽提供嘅招聘資訊，及早作生涯規劃，仲話現時已有22個職系容許下一屆畢業嘅大學生報名，鼓勵大家申請。今次浸大嘅政府職位招聘展覽介紹47個職系嘅工作同招聘安排，包括政務主任、二級行政主任、二級助理勞工事務主任等。