【Emily】AO冬季實習 10．11截止報名

【明報專訊】公務員事務局又有「筍工」畀年輕人申請，「2023年度政務職系冬季實習計劃」接受緊報名，下月11日截止，就讀本地、內地或海外（包括澳洲、新西蘭或者其他南半球地區）嘅大專院校，並會喺2024或2025年獲得學士學位或以上程度學歷嘅同學都可以參加，體驗一下政務主任（AO）工作，月薪1.12萬元（連埋強積金供款）。

呢個實習崗位係全職工作，聘用期由今年11月下旬至明年1月下旬，為期約8周，不過因應部門運作需要等情况，個別聘用期可能唔同。獲聘者每星期工作44小時，實際時間視乎部門運作需要，如果要超時工作，可以補假。

公務員事務局每年冬季同夏季都搞政務職系實習計劃，今年就收到近270份暑期實習申請，揀咗66個本地、內地同海外大專院校學生。