經濟
「女股神」劉央：肯定今年港股未見底
【明報專訊】有「女股神」之稱的劉央已長時間無現身，不過噚日下午佢出席咗知行集團（1539）嘅簽署儀式。喺儀式後，佢畀成班行家捉住。雖然席間無人再問佢以前睇騰訊（0700）見1000元嘅往事，但係當問到佢點睇港股時，佢都唔介意分享吓心得。
佢劈頭已講，唔好再講到咁唔好，仲話現時香港嘅情况搞到佢好難受同鬱悶咁話。佢又話，現時啲資金未返嚟，如果周邊又講緊有重大衝突咁唔明朗，根本就唔應該抄底。當前最應該係保護好財富，作非常規操作。
佢話現時周街都有價值投資，仲要出現現金大過股票價，股息高過債息或利息，再投資又無贏面，肯定今年港股未見底，仲反問行家「為什麼還要投資？」佢提醒大家唔好買股同時，都提番如果有人仲想投資，起碼要放眼3年，唔好搬出以前嗰套去炒股咁話喎！「女股神」叫唔好抄底，相信看官身處大熊市下，自然心領神會！
email:[email protected]
