【明報專訊】仲有一個月左右就到萬聖節，海洋公園噚日起展開「哈囉喂全園祭2023」，6間鬼屋喺下月13日起嘅指定日子開放，其中3間喺海濱樂園，另外3間喺高峰樂園。海洋公園主席龐建貽話今年園內會化身恐怖鬼校，又話「哈囉喂」係園方最具標誌性嘅活動，期望吸引到本地及世界各地嘅訪客。
海洋公園方面同Emily講，其中一間鬼屋講述傳說有個不幸嘅女學生經歷校園欺凌事件，訪客需要選擇逃生路線，否則會喺「怨靈鬼校」同佢邂逅。
訪客需要先預購海洋公園門票，成人及小童票價分別係388元及233元，另現場購買鬼屋門票，每人每間鬼屋130元；另可選購組合門票同快證。
