【Emily】鄒幸彤有意區選「牆內投票」

【明報專訊】區議會換屆在即，因支聯會煽動顛覆等案還押緊嘅前支聯會副主席鄒幸彤都有留意。根據啱啱探完佢嘅前議員邵家臻轉述，鄒幸彤都關心12月10日區議會選舉，有意喺牆內投票。阿彤亦關心民主黨6人名單入唔入到閘參選。

阿彤喺牆內經常傳出遭「釘倉」要單獨囚禁，邵家臻話噚日探監時就無，不過阿彤對上一次因「請人食花生」而「釘倉」，總次數已多到佢本人都唔記得，每次由3日到10幾日都有。根據邵家臻所講，阿彤每次單獨囚禁就會睇宗教書籍，雖然佢無宗教信仰。

話每月寫信 不解野渡沒收到

阿彤未婚夫野渡先前話，3個月來未收過阿彤來信。阿臻引述阿彤話每月都有寫信畀野渡，啲信有長有短，亦剛剛收到野渡來信，但唔猜測點解野渡收唔到佢嘅信喇。